‘बालेनका दाहिने हात’ राजु पाण्डेलाई कार्यकारी प्रमुख गुरागाइँले गरे ६ महिनाका लागि निलम्बन

काठमाडौं । काठमाडौं महानगरपालिकाका नगर प्रहरी प्रमुख एसएसपी राजु पाण्डे निलम्बनमा परेका छन् । प्रमुख प्रशासकीय अधिकृत सरोज गुरागाईंले उनलाई निलम्बन गरेका हुन् ।

महानगर स्रोतका अनुसार उनलाई ६ महिनाका लागि निलम्बन गरिएको हो ।

आफूलाई कार्यालय प्रवेशमा अवरोध गरेको लगायतका विषयमा गुरागाईंले पाण्डेलाई स्पष्टीकरण सोधेका थिए ।

स्पष्टीकरणको जवाफ चित्तबुझ्दो नभएपछि महानगर प्रहरी ऐनअनुसार उनलाई निलम्बन गरिएको हो ।

मेयर बालेन शाह निकट रहेका पाण्डेको निलम्बनले महानगरभित्र बालेनमाथि थप दबाब सिर्जना भएको छ ।