काठमाडौं । रिलायन्स स्पिनिङ मिल्स लिमिटेडले सर्वसाधारणका लागि निष्कासन गरेको प्राथमिक साधारण सेयर (आईपीओ)मा पहिलो दिन नै ५.८ गुणा बढी आवेदन परेको छ ।
कम्पनीले सर्वसाधारणका लागि ९ लाख २४ हजार ७६८ कित्ता सेयर निष्कासन गरेकोमा एकै दिनमा ५.८ गुणा बढी आवेदन परेको हो ।
सोमबार कुल ५३ लाख ९८ हजार १०० कित्ताका लागि आवेदन परेको छ ।
आईपीओमा एक लाख ९१७ जनाले आवेदन दिएका हुन् । आईपीओमार्फत हालसम्म चार अर्ब ४३ करोड सात लाख ६० हजार ४८० रुपैयाँबराबरको आवेदन परेको छ ।
सोमबार (पुस ७) बाट बिक्री खुला गरेकोआईपीओका लागि शुक्रवारसम्म आवेदन दिन सकिन्छ।
रिलाइन्सको सेयर मूल्य प्रतिकित्ता ८२० रुपैयाँ ८० पैसा तय गरिएको छ । प्रतिव्यक्ति न्यूनतम ५० कित्तादेखि अधिकतम २० हजार कित्तासम्म आवेदन दिन पाउने व्यवस्था छ ।
लगानीकर्ताले न्यूनतम ५० कित्ता मात्रै आवेदन गर्दा पनि कम्तीमा ४१ हजार ४० रुपैयाँ आवश्यक पर्छ ।
कम्पनीको आईपीओको बिक्री प्रवन्धक ग्लोबल आईएमई क्यापिटल लिमिटेड रहेको छ ।
प्रतिक्रिया