कांग्रेस सभापतिमा शेरबहादुर देउवा पुन: निर्वाचित: देउवालाई २७३३, कोइरालालाई १८५५ मत

काठमाडौं । नेपाली कांग्रेसको सभापतिमा बहालवाला सभापति शेरबहादुर देउवा पुनस् निर्वाचित भएका छन् ।

पहिलो चरणमा कसैले ५० प्रतिशत मत कटाउन नसकेपछि मंगलबार भएको दोस्रो चरणको मतदानमा शेखर कोइरालालाई ९०७ मतान्तरले पराजित गर्दै देउवा दोस्रो कार्यकालका लागि सभापति चुनिएका हुन् ।

दोस्रो चरणको मतदानमा ४ हजार ६२३ मत खसेको थियो र सभापतिमा निर्वाचित हुन बहुमत अर्थात २३११ मत चाहिन्थ्यो ।

देउवाले २७३३ मत पाए भने निकटतम प्रतिद्वन्द्वी कोइरालाले १८५५मत पाएका छन् । ३५ मत भने बदर भएको छ ।