काठमाडौं । उद्योगपछि विनोद कुमार चौधरी नेपाली कांग्रेसको केन्द्रीय सदस्यमा निर्वाचित भएका छन् । कांग्रेसबाट प्रतिनिधिसभा सदस्यसमेत रहेका चौधरी कांग्रेसको चौधौं महाधिवेशनमा मधेसी समावेशीतर्फ केन्द्रीय सदस्यमा निर्वाचित भएका हुन् ।
उद्योगपति चौधरी प्रतिनिधिसभा सदस्य पनि मधेशी कोटाबाटै भएका हुन् । उनले कांग्रेस राजनीतिमा पनि यसलाई नै निरन्तरता दिएका थिए । खुला केन्द्रीय सदस्यमा विजयी हुने सम्भावना रहे पनि उनले आफ्नो क्लष्टर छाड्न नचाहेका हुन् ।
मंगलबार सार्वजनिक मत परिणाम अनुसार चौधरीसहित पाँच जना यस क्लष्टरबाट विजयी भए । अजय चौरसिया २५२२ मतसहित पहिलो भए भने चौधरी २२०६ मतका साथ दोस्रो भए । यस्तै, चन्द्रमोहन यादव २१३८, महेन्द्रकुमार राय १९८४ र दिनेश कुमार यादव १९५९ मतका साथ केन्द्रीय सदस्यमा विजयी भएका छन् ।
चन्द्रमोहन यादव पूर्व राष्ट्रपति डा. रामबरण यादवका छोरा हुन् । उनीबााहेक सबैजना सभापति शेरबहादुर देउवा पक्षका हुन् ।
प्रतिक्रिया