Logo

Banner-news

वैदेशिक रोजगारी सम्बन्धी गुनासो बढेपछि श्रम मन्त्रालयले स्थापना गर्‍यो ‘सुनुवाइ कक्ष’



वैदेशिक रोजगारी सम्बन्धी गुनासो सुनुवाई गर्न श्रम, रोजगार तथा सामाजिक सुरक्षा मन्त्रालयले कल सेन्टर स्थापना गरेको छ ।

उक्त कल सेन्टरको उद्घाटन गर्दै श्रम मन्त्री कृष्ण कुमार श्रेष्ठले पीडितको गुनासो सुनुवाइका लागि प्रतिउत्तर कार्य टोली तथा प्रहरीको समेतको सहभागितामा मार्सल टोली गठन गरिएको जनकारी दिए । यस्तै, जानकारी तथा गुनासोका लागि स्वदेश र विदेशबाट निशुल्क फोन, भाइबर, फेसबुक लगाएत विभिन्न माध्यमबाट सम्पर्क गर्न सकिने उनले बताएका छन् ।

पछिल्लो समय वैदेशिक रोजगारका नाममा भिजिट भिसालगाएतमा विभिन्न मुलुक पुगेका कयौँ नेपाली अलपत्र पर्ने घटनाक्रम बढेसँगै मन्त्रालयले यो कदम चालेको हो ।

वैदेशिक रोजगारीका नाममा हुने कुनै प्रकारको रकम संकलन, ठगी लगायतका क्रियाकलापमा संलग्न व्यक्ति, मेनपावर कम्पनी वा अन्य संस्था उपर वैदेशिक रोजगार ऐन, २०६४ र अन्य सम्बद्ध कानूनवमोजिम पक्राउ गर्ने, अनुसन्धान गर्ने र आवश्यक कारवाही अगाडि बढाइने मन्त्रालयले जनाएको छ ।

यससम्बन्धी समस्या तथा गुनासो मन्त्रीको सचिवालयको मोबाइल नम्बर ९८२३२५६७०४, ९८२३२५६७०६ र मन्त्रालयमा रहेको कल सेन्टरको नम्बर ९७७१५९७००८ वा टोल फ्री नम्बर ११४१ मा सिधै सम्पर्क गरी २४ सै घण्टा गुनासो र समस्या टिपाउन सकिने मन्त्रालयले जनाएको छ।

प्रकाशित : १६ माघ २०७८, आइतबार

सूचना विभाग दर्ता नं.

१२०७/2075/76

सम्पर्क

Chabahil -7 Kathmandu Nepal
+9779841869701
[email protected] [email protected]

हाम्रो समूह

  • प्रधान सम्पादक
    बिपेन्द्र कार्की
  • प्रमुख कार्यकारी अधिकृत
    कुमार खतिवडा
  • सम्पादक
    सरोज कुमार कार्की
  • संवाददाता
    पार्वती थपलिया
  • प्रकाश भण्डारी
    पुनम साह