वैदेशिक रोजगारी सम्बन्धी गुनासो सुनुवाई गर्न श्रम, रोजगार तथा सामाजिक सुरक्षा मन्त्रालयले कल सेन्टर स्थापना गरेको छ ।
उक्त कल सेन्टरको उद्घाटन गर्दै श्रम मन्त्री कृष्ण कुमार श्रेष्ठले पीडितको गुनासो सुनुवाइका लागि प्रतिउत्तर कार्य टोली तथा प्रहरीको समेतको सहभागितामा मार्सल टोली गठन गरिएको जनकारी दिए । यस्तै, जानकारी तथा गुनासोका लागि स्वदेश र विदेशबाट निशुल्क फोन, भाइबर, फेसबुक लगाएत विभिन्न माध्यमबाट सम्पर्क गर्न सकिने उनले बताएका छन् ।
पछिल्लो समय वैदेशिक रोजगारका नाममा भिजिट भिसालगाएतमा विभिन्न मुलुक पुगेका कयौँ नेपाली अलपत्र पर्ने घटनाक्रम बढेसँगै मन्त्रालयले यो कदम चालेको हो ।
वैदेशिक रोजगारीका नाममा हुने कुनै प्रकारको रकम संकलन, ठगी लगायतका क्रियाकलापमा संलग्न व्यक्ति, मेनपावर कम्पनी वा अन्य संस्था उपर वैदेशिक रोजगार ऐन, २०६४ र अन्य सम्बद्ध कानूनवमोजिम पक्राउ गर्ने, अनुसन्धान गर्ने र आवश्यक कारवाही अगाडि बढाइने मन्त्रालयले जनाएको छ ।
यससम्बन्धी समस्या तथा गुनासो मन्त्रीको सचिवालयको मोबाइल नम्बर ९८२३२५६७०४, ९८२३२५६७०६ र मन्त्रालयमा रहेको कल सेन्टरको नम्बर ९७७१५९७००८ वा टोल फ्री नम्बर ११४१ मा सिधै सम्पर्क गरी २४ सै घण्टा गुनासो र समस्या टिपाउन सकिने मन्त्रालयले जनाएको छ।
प्रतिक्रिया