युनिक लघुवित्तले एफपीओ निष्कासनका लागि धितोपत्र बोर्डसँग माग्यो अनुमति

युनिक लघुवित्त वित्तीय संस्था लिमिटेडले एफपीओ निष्कासनका लागि नेपाल धितोपत्र बोर्डसँग अनुमति मागेको छ ।

कम्पनीले ३ करोड ७९ लाख ४२ हजार ५ सय रुपैयाँ बराबरको एफपीओ जारी गर्ने सेबोनमा निवेदन दिएको हो । बोर्डले अनुमति दिएमा कम्पनीले १०० रुपैयाँ अंकित मूल्यमा कुल ३ लाख ७९ हजार ४२५ कित्ता एफपीओ निष्कासन गर्नेछ। कम्पनीकाे सेयर बिक्रि प्रबन्धकमा मुक्तिनाथ क्यापिटल लिमिटेड रहेको छ ।

गत पुस ३० गतेबाट घोडीघोडा लघुवित्त वित्तीय संस्थालाई मर्जर गरी एकीकृत कारोबार शुरु गरेपछि युनिक लघुवित्तले सेयर संरचना मिलाउनका लागि एफपीओ जारी गर्न लागेको हो ।