नेपाल लाइफ इन्स्योरेन्सको २१ औं साधारण सभा सम्पन्न भएको छ ।
सोमबार विराटनगरमा सम्पन्न सभाले सेयरधनीहरुका लागि भुक्ता पूँजीको १४ प्रतिशत बोनस सेयर तथा प्रति सेयर ०.७३६८ (कर प्रयोजनका लागि) नगद लाभांश वितरणको प्रस्ताव पारित गरेको छ । बोनस शेयर वितरण पश्चात् कम्पनीको चुक्ता पूँजी जीवन बीमा क्षेत्रकै सर्वाधिक रु। ८ अर्ब २० करोड ७९ लाख ६६ हजार ५४४ हुने बताइएको छ ।
अध्यक्ष गोविन्द लाल संघईको अध्यक्षतामा सम्पन्न उक्त साधारण सभामा स्वागत मन्तव्य एवं वार्षिक प्रतिवेदन प्रस्तुत गर्दै उनले समिक्षा वर्षमा कम्पनीले कुल बीमाशुल्क करिब २७ अर्ब ६५ करोड आर्जन गरी सर्वाधिक बजार हिस्सा हासिल गर्न सफल भएकोमा सम्बद्ध सबैमा हार्दिक बधाई एवं शुभकामना व्यक्त गरे ।
प्रतिक्रिया