Logo

बैंक / बिमा /शेयर

नेपाल पुनर्बीमा कम्पनीकाे पहिलो त्रैमासिक वित्तिय विवरण सार्वजनिक, निर्जीवनतर्फको नाफा ५१ प्रतिशतले घट्यो



नेपाल पुनर्बीमा कम्पनीले चालु आर्थिक वर्षको पहिलो त्रैमासीक वित्तिय विवरण सार्वजनिक गरेको छ । विवरण अनुसार कम्पनीले पहिलो त्रैमासमा र्निजीवन बीमा व्यवसायतर्फ १६ करोड ४९ लाख र जीवन व्यवसाय मार्फत ७ करोड ५० लाख नाफा आर्जन गर्न सफल भएको छ ।

गत वर्षको यसै अवधिको तुलनामा कम्पनीको निर्जीवन व्यवसायतर्फको नाफा ५१ प्रतिशतले घटेको हो । कम्पनीले गत वर्षको पहिलो त्रैमासमा निर्जीवन बीमा व्यवसायबाट ३३ करोड ७८ लाख र जीवन बीमा व्यवसाय मार्फत ५ करोड ४५ लाख नाफा कमाएको थियो ।

यस्तै, गत वर्ष २ अर्ब ४० करोड बीमा शुल्क आर्जन गरेको कम्पनीले यस वर्ष कुल २ अर्ब ७१ करोड बीमा शुल्क आर्जन गरेको छ । कम्पनीले ९६ करोड ६५ लाख दाबी भुक्तानी गरेको छ भने २ अर्ब ४ करोड भुक्तानी हुन बाँकी दाबी रकम रहेको छ । कम्पनीको चुक्ता पूँजी १० अर्ब रहेको छ ।

त्यस्तै, कम्पनीले आर्थिक वर्ष २०७६र ७७ को मुनाफाबाट शेयरधनीलाई १६ प्रतिशत बोनस शेयर वितरण गरेको छ । उक्त बोनस शेयर वितरणपछि कम्पनीको चुक्तापूँजी ११ अर्ब ६५ करोड पुग्नेछ ।

चालू आवको पहिलो त्रैमाससम्ममा कम्पनीले निर्जीवन व्यवसायतर्फको जगेडा कोषमा ४ अर्ब ७७ करोड र जीवन बीमा व्यवसायतर्फको जगेडामा ६६ करोड ९७ लाख सञ्चित रहेको छ। सो अवधिमा कम्पनीको प्रतिशेयर आम्दानी ९ दशमलव ६० (वार्षिकीकरण) ,मूल्य आम्दानी अनुपात १३४ दशमलव २६ र प्रतिशेयर नेटवर्थ १७९ दशमलव ९२ रहेको छ ।

प्रकाशित : ३० चैत्र २०७८, बुधबार

सूचना विभाग दर्ता नं.

१२०७/2075/76

सम्पर्क

Chabahil -7 Kathmandu Nepal
+9779841869701
[email protected] [email protected]

हाम्रो समूह

  • प्रधान सम्पादक
    बिपेन्द्र कार्की
  • प्रमुख कार्यकारी अधिकृत
    कुमार खतिवडा
  • सम्पादक
    सरोज कुमार कार्की
  • संवाददाता
    पार्वती थपलिया
  • प्रकाश भण्डारी
    पुनम साह