सरकारले आफूलाई गैरकानुनी रुपमा पदकबाट निलम्बन गरको दावी गर्दे महाप्रसाद अधिकारीले सर्वोच्चमा रिट निवेदन दिएका छन् ।
अधिकारीले पुनर्बहालीको माग राख्दै आज सर्वोच्चमा रिट दिएका हुन् । यस्तै, सर्वोच्चका प्रवक्ता विमल पौडलले भने अध्ययनपछि मात्र रिट निवेदन दर्ता हुने जनाएका छन् । ‘उहाँले आज निलम्बनविरुद्ध रिट निवेदन दिनुभएको छ,अहिले अध्ययन भइरहेको छ । अध्ययनपछि मात्र दर्ता हुनेछ ’उनले भने ।
गत चैत २५ गते बसेको मन्त्रिपरिषद्को बैठकले अधिकारीले सरकारलाई असहयोग गरेको र सरकारी सूचना चुहावट गरेको आरोपमा निलम्बन गरेको थियो । यस्तै, बैठकले पूर्वन्यायाधीश पुरुषोत्तम भण्डारीको नेतृत्वमा छानबिन समिति समेत गठन गरेको थियो ।
प्रतिक्रिया