रञ्जुले उम्मेदवारी नदिने, पार्टी विवादले बाचा पूरा गर्न नसकेको भन्दै माफी मागिन्

काठमाडौं । वैकल्पिक राजनीतिकी नेतृ रञ्जु दर्शनाले आसन्न स्थानीय तहमा कुनै उम्मेदवारी नदिने घोषणा गरेकी छन् । उनले सामाजिक सञ्जालमार्फत यो घोषणा गरेकी हुन् ।

रञ्जुले अघिल्लो निर्वाचनमा काठमाडौं महानगरपालिकाको मेयरमा तेस्रो मत प्राप्त गरेकी थिइन् । उनले २३ हजार ४ सय ३९ मत पाएकी थिइन् ।

यद्यपि, निर्वाचनपछि पार्टीभित्रको झगडाका कारण आफूले प्रतिवद्धता पूरा गर्न नसकेको भन्दै उनले माफी मागेकी छन् ।

हाल उनी विवेकशील साझा पार्टीबाट अलग भइसकेकी छन् । “साझा विवेकशीलको झगडाले समय र ऊर्जाको नास भयो, अब मेयर उठ्दिनँ” उनले भनेकी छन्, “चुनाव आउँदा मलाई मैले प्रमाणित गर्न धेरै घरदैलो गर्न नपरोस् र चुनावअघिका मेरा कार्यबाट मलाई मतदाताले आफैं रोज्नेगरी काम गर्नेछु ।”

अघिल्लो चुनावका बेला २१ वर्षकी रहेकी रञ्जु हाल २६ वर्ष भइन् ।

प्रस्तुत छ, दर्शनाको स्वघोषणाः