नबिल बैंक लिमिटेडका पूर्व अध्यक्ष स्व. शम्भु प्रसाद पौड्यालको सम्झनामा यस बर्षबाट बैंकले कर्मचारी परिवारका लागि ‘श्री शम्भु प्रसाद पौड्याल स्मृति छात्रवृत्ति’ सुरु गरेको छ ।
लामो समयदेखि बैंकको सञ्चालक समितिमा योगदान पुर्याएका स्व। पौड्यालको सम्झनामा बैंकले छात्रवृत्ति सुरू गरेको हो । स्व। पौड्याल कर्मचारीहरूको हित र विकासका निम्ती निरन्तर लागि पर्थे ।
उक्त छात्रवृत्ति कार्यक्रममा प्रत्येक बर्ष नबिल बैंकका सम्पूर्ण कर्मचारीहरूले राष्ट्रिय परीक्षा बोर्डको प्लस टु तहमा उत्कृष्ट नतिजा ल्याउने मेहेनती तथा जेहेन्दार सन्तानहरूको नाम मनोनयन गर्न सक्दछन् । उच्च शिक्षाको लागि प्रोत्साहन गर्ने उद्देश्यसहित बैंकले यो कार्यक्रम ल्याएको हो ।
मनोनित कर्मचारी परिवारका सन्तानहरूबाट उत्कृष्ट नतिजा ल्याउने २ जना पुरुष र २ जना महिला सन्तानहरूलाई प्रत्येक बर्ष यो पुरस्कार प्रदान गरिने बैंकले जनाएको छ ।
पुरस्कारको रकम रु। ५० हजार प्रत्येक विजेता कर्मचारीका सन्तानहरूलाई प्रदान गरिने कुरा बैंकबाट प्रेषित वक्तब्यमा लेखिएको छ ।
बैंकले आर्थिक वर्ष २०७७र७८ का लागि कर्मचारी उदय राज खनालकी छोरी उनिका खनाल, कर्मचारी सन्देश ज भट्टराईका छोरा दिपसन भट्टराई र मुरारी प्रसाद अर्यालका छोरा मुकुल अर्यालले दिने निर्णय गरिएको बैंकले जनाएको छ ।
नबिल बैंकको प्रधान कार्यालयमा आयोजित एक औपचारिक कार्यक्रममा नबिल बैंकका अध्यक्ष उपेन्द्रप्रसाद पौड्यालले बैंकका सञ्चालक समितिका सदस्यहरू वरिष्ठ व्यवस्थापन तहका कर्मचारीहरू, पूर्व अध्यक्षका परिवार र छात्रवृत्ति विजेताहरूको अभिभावकको उपस्थितिमा तीनै विजेताहरूलाई छात्रवृत्तिको रकम सहित प्रशंसा पत्र हस्तान्तरण गरेका थिए ।
छात्रवृत्ति कार्यक्रमको बारेमा बोल्दै बैंकका अध्यक्ष पौड्यालले स्व।शम्भु प्रसाद पौड्यालले बैंकलाई पुर्याएको लामो योगदानको प्रशंसा गर्दै उक्त योगदान अत्यन्त महत्वपूर्ण र अविस्मरणीय रहेको जनाए ।
साथै बैंकका प्रमुख कार्यकारी अधिकृत अनिल केशरी शाहले दशकौंदेखि नबिल बैंक र नबिलियनको बृद्धि र विकासका लागि स्व। पूर्वअध्यक्षले महत्त्वपूर्ण भूमिका निर्वाह गरेको उल्लेख गरेका थिए ।
प्रतिक्रिया