शुक्रबार सेयर लगानीकर्ताको विभिन्न संगठनहरुले संयुक्त विज्ञप्ति जारी गर्दै पूँजी बजार सुधार संघर्ष समिति मार्फत उठाएका १९ बुँदे मागको तत्काल सम्बोधन गर्न माग गरेका छन् ।
सरकारले समयमै आफ्ना मागहरु सम्बोधन नगर्दा पूँजी बजारमा गम्भीर समस्या उत्पन्न भएको संगठनले बताएका छन् । त्यस्तै, सरकारबाट आन्दोलनमा उत्रिएका लगानीकर्तालाई उत्तेजित र आक्रोशित पार्ने कार्य भएको संगठनको आरोप रहेको छ ।
‘सरकारले गर्छ भनेका कामहरु तोकिएको समयमा नगर्दा पूँजी बजारमा गम्भीर समस्या उत्पन्न भएकाले त्यसको समाधानका लागि आन्दोलनमा उत्रिएका लगानीकर्ताहरुलाई उल्टै उत्तेजित र आक्रोशित पार्ने कार्य भएमा त्यसले देशको अर्थतन्त्रमै गंभीर क्षति पुर्याउने तर्फ पनि सरकारको ध्यानाकर्षण गराउँछौ ‘, विज्ञप्तिमा उल्लेख छ ।
प्रतिक्रिया