काठमाडौं । सरकारी स्वामित्वका दुई सिमेन्ट उद्योगहरु उदयपुर सिमेन्ट र हेटौंडा सिमेन्ट सञ्चालक समिति अध्यक्षमा स्थानीयलाई प्राथमिकता दिइएको छ ।
उदयपुर सिमेन्ट उद्योग सञ्चालक समितिमा भुमरसुवा ४ उदयपुरका केशवकुमार बस्नेतलाई नियुक्त गर्ने तयारी गरिएको उद्योग वाणिज्य तथा आपूर्ति मन्त्रालयले जनाएको छ ।
बस्नेतलाई नियुक्तिका निमित्त सिफारिस समितिले मन्त्रालयसमक्ष नाम पेश गरेको छ । खुला प्रतिस्पर्धाबाट भएको नियुक्तिका लागि बस्नेतसहित ९ जनाले अन्तर्वाताका निमित्त छनोट भएका थिए ।
यता, हेटौंडा सिमेन्ट उद्योग सञ्चालक समिति अध्यक्षमा यसअघि बसामाडी २ मकवानपुरका गणेशप्रसाद भेटुवाललाई नियुक्ति दिइएको छ । भेटुवालसहित ८ जजना अन्तर्वार्ताका लागि छनोट भए पनि स्थानीयलाई प्राथमिकता दिइएको मन्त्रालयले जनाएको छ ।
सरकारी उद्योग सञ्चालनका लागि स्थानीय व्यक्तिलाई प्राथमिकता दिइँदा उद्योग सञ्चालनमा सकारात्मक प्रभाव पर्ने र स्थानीय स्तरमा कुनै समस्या आए तत्काल समाधान गर्न सहज हुने अपेक्षामा स्थानीयलाई छनोट गरिएको जनाइएको छ ।
प्रतिक्रिया