नेपाल पूर्वाधार सम्मेलन बिहिबारदेखि, सबै तयारी पूरा

भौतिक पूर्वाधार तथा यातायात मन्त्रालय र नेपाल उद्योग परिसंघको संयुक्त आयोजनामा नेपाल पूर्वाधार सम्मेलनको चौथो संस्करण बिहीबारदेखि काठमाडौंमा हुँदैछ।

दिगो पूर्वाधारमार्फत देशको समग्र विकास गर्न सकिन्छ भन्ने विश्वासका साथ नेपाल उद्योग परिसंघले सरकारसँगको साझेदारीमा सन् २०१४ देखि नेपाल पूर्वाधार सम्मेलन गर्दै आएको छ।

नेपाल पूर्वाधार सम्मेलन ९नेपाल इन्फ्रास्ट्रक्चर समिट २०२२० मा यातायात, ऊर्जा, सहरी विकास, खानेपानी तथा सरसफाइ लगायत पूर्वाधार विकासका प्रमुख बाधाहरू पहिचान गर्दै पूर्वाधार विकासका लागि सरकारले गरेका प्रतिज्ञा एवं सुधार, पूर्वाधार क्षेत्रमा निजी लगानी आकर्षित गर्नेस दिगो विकास लक्ष्य ९एसडिजी० हरू हासिल गर्न मद्दत गर्ने हरित, जलवायु, उत्थानशील पूर्वाधार परियोजनामा गहन छलफल हुने बताइएको छ।

परिसंघद्वारा जारी विज्ञप्तिमा भनिएको छ, ‘सम्मेलनको थिम विकासका लागि पूर्वाधार ९इन्फ्रास्ट्रक्चर फर ग्रोथ० हो। सन् २०१९ मा भएको पूर्वाधार सम्मेलनपछि कोभिड–१९ का कारण सन् २०७६र७७ मा नेपालको आर्थिक वृद्धि २।३७ प्रतिशतले संकुचित भयो। आर्थिक गतिविधिहरू विश्वव्यापी रूपमा ठप्प हुँदा विश्वले आपूर्तिमा गम्भिर अवरोधको सामना गर्नुपर्‍यो।

नेपालले आर्थिक वर्ष २०७९र८० मा ८ प्रतिशतको आर्थिक वृद्धि हासिल गर्ने लक्ष्य राखेको छ। कोभिड–१९ पछिको प्रोत्साहन एवं उच्च अंकको आर्थिक बृद्धि हासिलका लागि पूर्वाधारमा लगानी अनिवार्य छ। नेपाल पूर्वाधार सम्मेलनले आर्थिक पुनरुत्थान, हरित पूर्वाधारमा ध्यान केन्द्रित गर्दै पूर्वाधारमा लगानी गर्नु नै उत्तम सर्त हो भन्ने धारणालाई सुदृढ पार्ने विश्वास लिएका छौं। यस्तै सम्मेलनले नवीन वित्तीय ढाँचा, प्रत्यक्ष वैदेशिक लगानी, निजी क्षेत्रको थप संलग्नता, प्रविधि र डिजिटल रूपान्तरण लगायतका विषयमा नीतिगत सुधारको अवधारणालाई पुनर्जीवित गर्नेछ।’

परिसंघका अनुसार पूर्वाधारका लागि लगानी प्रवर्द्धन, पूर्वाधार विकासका सफल अभ्यास, पूर्वाधार क्षेत्रको विकासका अवरोध लगायतका विषयमा राष्ट्रिय, अन्तर्राष्ट्रिय पूर्वाधार विज्ञ, लगानीकर्ता, तीनै तहका सरकार, निजी क्षेत्रका प्रतिनिधिबीच छलफल हुनेछ।

सम्मेलनको विभिन्न सत्रमा पूर्व प्रधानमन्त्री, संघीय सरकारका मन्त्रीहरू, प्रदेशका मुख्यमन्त्रीहरू, महानगरपालिकाका मेयरहरू, राष्ट्रिय योजना आयोग, नेपाल राष्ट्र बैंक, एसियाली विकास बैंक, विश्व बैंक, प्राध्यापकहरूको प्रस्तुती हुनेछ।

भौतिक पूर्वाधार तथा यातायात मन्त्रालय र नेपाल उद्योग परिसंघ आयोजक रहेको नेपाल पूर्वाधार सम्मेलनको सह आयोजकमा लगानी बोर्डको कार्यालय र नेपाली युवा निर्माण व्यवसायी समुदाय छन्।

यस सम्मेलनमा सहभागी हुन https://registration.nepalinfrastructuresummit.com.np/ बाट दर्ता गर्न सकिन्छ।