काठमाडौं । कालिञ्चोक केबलकारको सञ्चालक संस्था कालिञ्चोक दर्शन लिमिटेडको ११ औं वार्षिक साधारण सभाले शेयरधनी ध्रुवराज शिवाकोटीलाई सञ्चालक पदमा नियुक्त गरेको छ ।
व्यवसायसँगै समाजसेवामा क्रियाशील शिवाकोटीले नेपाल सरकारको वन तथा वातावरण मन्त्रालय अन्तर्गत राष्ट्रिय ताल संरक्षण विकास समितिमा बोर्ड सदस्यको रूपमा काम गरेका छन् ।
नेपाल उद्योग बाणिज्य महासंघको सूचना तथा प्रविधि विकास समितिमा सदस्य रहेका शिवाकोटीले पशुपति क्षेत्र विकास कोषमा सल्लाहकारको भूमिका निर्वाह गरेका छन् ।
काठमाडौं महानगरपालिकाको वडा नं. ३२ मा रहेको सामुदायिक सेवा तथा विकास समाज र सामुदायिक प्रहरी सेवा केन्द्रको कार्यसमितिमा रहेका व्यवसायी तथा समाजसेवी शिवाकोटी कालिञ्चोक दर्शन लिमिटेडको सञ्चालकमा नियुक्त भएसँगै संस्थाले व्यावसायिक रुपमा थप फड्को मार्ने अपेक्षा गरिएको छ ।
कम्पनीको अध्यक्षमा वालकृष्ण शिवाकोटीसहित सञ्चालकहरुमा ध्रुवराज शिवाकोटी, गीता शर्मा आचार्य, सावित्री पाण्डे, कल्पना ओली रहेका छन् । यस्तै, कम्पनीको स्वतन्त्र सञ्चालकमा सुरेशकुमार गुरागाईं र कार्यकारी निर्देशकमा अशोककुमार शिवाकोटी रहेको जनाइएको छ ।
प्रतिक्रिया