दोहोरो अंकले घटेको सेयर बजारमा ६४ करोडकाे कारोबार

बुधबार सेयर बजार दोहोरो अंकले घटेको छ । सेयर बजार परिसूचक नेप्से १२.८१ अंकले घटेर एक हजार ८५५.१६ विन्दुमा पुगेको छ ।

बैंकिङ २, विकास बैंक ४५, फाइनान्स ३९, जलविद्युत् ३५, जीवन बीमा १८, उत्पादन ४२, माइक्रोफाइनान्स ३१, निर्जीवन बीमा ५५, अन्य १४ र ब्यापार उपसमूह १६ अंकले घटको छ । त्यस्तै, होटल तथा पर्यटन उपसमूह भने ३९ अंकले बढेको छ ।

आज पिपुल्स पावर लिमिटेडको सेयर सबैभन्दा धेरै ७.४७ अंकले घटेको छ । समग्रमा बजार घटेपनि आज अभियान लघुवित्त वित्तीय संस्थाको सेयर १० प्रतिशत र सयपत्री हाइड्रोपावर लिमिटेडको सेयर ९.९९ प्रतिशतले बढेको छ ।

यस दिन २१६ कम्पनीको २१ लाख कित्ता सेयर ६४ करोडमा कारोबार भएको छ ।