सेयर बजारमा हरियाली, ४३ अंकले बढ्यो नेप्से

आइतबार सेयर बजारमा हरियाली छाएको छ । सेयर बजार परिसूचक नेप्से ४३.२ अंकले बढेर एक हजार ९६५.३६ विन्दुमा पुगेको छ ।

बैंकिङ ११, विकास बैंक ९१, फाइनान्स ६४, होटल तथा पर्यटन ६१, जलविद्युत् ६६, लगानी १, जीवन बीमा ९५, उत्पादन १९१, माइक्रोफाइनान्स १९६, निर्जीवन बीमा १३३, अन्य ५६ र ब्यापार उपसमूह ५२ अंकले बढेको छ ।

आज मानुषी लघुवित्त, जाल्पा लघुवित्त, नेस्डो लघुवित्त र उपकार लघुवित्त कम्पनीको सेयर १० प्रतिशतले बढेको छ । समग्रमा बजार बढेपनि आज नबिल इक्युटी फन्ड र आरबीबी म्युचल फन्डको सेयर झण्डै साढे २ प्रतिशतले घटेको छ ।

यस दिन २२८ कम्पनीको ३९ लाख १३ हजार कित्ता सेयर एक अर्ब ५४ करोड ८० लाख रुपैयाँमा कारोबार भएको छ । सबैभन्दा धेरै नेस्डो लघुवित्त कम्पनीको १० करोड १४ लाख रुपैयाँको सेयर किनबेच भएको छ ।