सोमबार सेयर बजारमा दोहोरो अंकले बढेको छ। सेयर बजार परिसूचक नेप्से १७.५६ अंकले बढेर दुई हजार ०६३.८३ विन्दुमा पुगेको छ ।
आज बैंकिङ १३, विकास बैंक ६२, फाइनान्स २१, होटल तथा पर्यटन ८१, जलविद्युत् ३४, जीवन बीमा ५४, माइक्रोफाइनान्स ४८, निर्जीवन बीमा २५८ र ब्यापार ६८ अंकले बढेको छ । त्यस्तै, उत्पादन ३७ र अन्य उपसमूह भने २३ अंकले घटेको छ।
आज धौलागिरि लघुवित्त, सृजनशील लघुवित्त, खप्तड लघुवित्तको सेयर १० प्रतिशतले बढेको छ । समग्रमा बजार बढे पनि आज एनएमबी ५० म्युचल फन्डको सेयर सबैभन्दा धेरै झण्डै पाँच प्रतिशतले घटेको छ ।
यसदिन २५३ कम्पनीको ८२ लाख कित्ता सेयर दुई अर्ब ९६ करोड रुपैयाँमा कारोबार भएको छ । सबैभन्दा धेरै नबिल बैंकको १६ करोड ८४ लाख र हिमालयन डिस्टिलरीको १६ करोड ६४ लाख रुपैयाँको सेयर किनबेच भएको छ ।
प्रतिक्रिया