एकैदिन तोलामा १ हजारले घट्यो सुनको मूल्य

बुधबार नेपाली बजारमा सुनको मूल्य ह्वात्तै घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक हजार रुपयाँले घटेर १ लाख १ हजार ५०० रुपैयाँमा कारोबार भइरहेको छ । त्यस्तै, तेजाबी सुनको मूल्य प्रतितोला १ लाख १ हजार रुपैयाँ कायम भएको छ ।

मंगलबार छापावाल सुन प्रतितोला १ लाख २ हजार ५०० र तेजाबी सुन १ लाख २ हजार रुपैयाँ कारोबार भएको थियो ।

महासंघका अनुसार आज चाँदीपनि तोलामा ४० रुपैयाँ घटेर १ हजार २२५ रुपैयाँमा किनबेच भइरहेको छ ।