ह्वात्तै बढ्यो सुनको मूल्य, ताेलाकै १ लाख ३ हजार ५ सय रुपैयाँ

नेपाली बजारमा आज सुनको मूल्य ह्वात्तै बढेको छ । नेपाल सुनचाँदी व्यवसायी महासंघका अनुसार आज सुन प्रतितोला १७ सय रुपैयाँले बढेको छ ।

आज छापावाल सुन प्रतितोला १७ सय रुपैयाँले बढेर १ लाख ३ हजार ५ सय रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ३ हजार रुपैयाँ निर्धारण भएको छ ।

शुक्रबार छापावाल सुन प्रतितोला १ लाख १ हजार ८ सय रुपैयाँ र तेजावी सुन १ लाख १ हजार ३ सय रुपैयाँमा कारोबार भएको थियो ।

महासंघका अनुसार आज चाँदीको मूल्य पनि बढेको छ । आज चाँदी तोलामा २५ रुपैयाँले बढेर १२ सय ४५ सय रुपैयाँमा किनबेच भइरहेको छ ।