एफएनसीसीआईको वरिष्ठ उपाध्यक्षमा अन्जन श्रेष्ठ सर्वसम्मत चयन

नेपाल उद्योग वाणिज्य महासंघ (एफएनसीसीआई)को वरिष्ठ उपाध्यक्षमा अन्जन श्रेष्ठ सर्वसम्मत चयन भएका छन् ।

निर्वाचनको दोस्रो चरणमा पुगेका अर्का उम्मेद्वार उमेशलाल श्रेष्ठले समर्थन जनाएपछि वरिष्ठ उपाध्यक्षमा अन्जन श्रेष्ठ चयन भएका हुन् ।

बुधबार भएको निर्वाचनको पहिलो चरणमा तीन प्रतिष्पर्धीमध्ये रामचन्द्र संघई बाहिरिएका थिए । यस्तै, पहिलो चरणमा उम्मेद्वार कसैले पनि ५० प्रतिशत मत प्राप्त नगरेपछि अपराह्न २ बजेका लागि दोस्रो चरणको निर्वाचन हुने तय भएको थियो । तर, दोस्रो चरणको निर्वाचन नहुँदै दुई समूहबीच सहमति भएपछि वरिष्ठ उपाध्यक्षमा अन्जन श्रेष्ठ सर्वसम्मत चयन भएका हुन् ।