काठमाडौं । चालू आर्थिक वर्षको पहिलो दुई महिनासम्म वैदेशिक व्यापार निराशाजनक अवस्थामा रहेको छ ।
साउन र भदौ दुई महिनामा वैदेशिक व्यापारका सबै उपसूचकांकहरुको वृद्धिदर नकारात्मक छ ।
निर्यात व्यापार सबैभन्दा बढी अर्थात ७.७९ प्रतिशतले घटेको छ । चालू आवको दुई महिनामा निर्यात २६ अर्ब ४४ करोड ७० लाखमा सीमित छ भने आयात पनि ५.०६ प्रतिशतले घटेको छ ।
भदौसम्ममा मुलुकमा २ खर्ब ५९ करोड ७४ लाख रुपैयाँ मूल्य बराबरका सामग्रीहरु आायात भएका छन् भने यो अवधिमा २ खर्ब ३३ अर्बको व्यापारघाटा भएको छ ।
व्यापारघाटा ४.७४ प्रतिशतले कमी देखिएको यस अवधिमा कूल वैदेशिक व्यापारको आकार समेत बढ्न सकेको छैन । दुई महिनामा २ खर्ब ८६ अर्ब १९ करोडको वैदेशिक व्यापार भएको भन्सार विभागले जनाएको छ ।
प्रतिक्रिया