चालु आर्थिक वर्षको पाँच महिनामा आयात निर्यात दुवै घटेको छ ।
भन्सार विभागले सार्वजनिक गरेको तथ्यांक अनुसार मंसिर मसान्तसम्ममा ६ खर्ब ४२ अर्ब २० करोड ८९ लाख रुपैयाँको वस्तु आयात भएको छ । गत वर्षको सोही अवधिको तुलनामा आयात ३.३९ प्रतिशतले घटेको हो । गत वर्ष ६ खर्ब ६४ अर्ब ७४ करोड ६४ लाखको आयात भएको थियो ।
यस्तै, यस अवधिमा निर्यात पनि ६.०९ प्रतिशतले घटेको छ । गत वर्ष ६७ अर्ब ३० करोडको वस्तु निर्यात भए पनि यस वर्ष भने ६३ अर्ब २० करोड ७४ लाख रुपैयाँको मात्र वस्तु निर्यात भएको छ ।
समिक्षा अवधिमा नेपालको वैदेशिक व्यापार घाटा ५ खर्ब ७९ अर्ब १५ लाख रुपैयाँ पुगेको छ । गत आर्थिक वर्षको तुलनामा भने व्यापार घाटा ३.०९ प्रतिशतले घटेको हो । गतवर्ष ५ खर्ब ९७ अर्ब ४४ करोड रुपैयाँको व्यापार घाटा भएको थियो ।
गत वर्षको ५ महिनामा ७ खर्ब ३२ अर्ब रुपैयाँको वैदेशिक व्यापार भएको थियो । जुन, यो वर्ष ३.६४ प्रतिशतले घटेर ७ खर्ब ५ अर्ब ४१ करोड रुपैयाँमा कायम भएको छ ।
प्रतिक्रिया