आइतबार सेयर बजार परिसूचक नेप्से ८.७५ अंकले घटेर दुई हजार ०६०.१५ विन्दुमा पुगेको छ ।
फाइनान्स १४, माइक्रोफाइनान्स ५, होटल तथा पर्यटन ९६, जलविद्युत् ४१, जीवन बीमा १८०, अन्य ५ र निर्जीवन बीमा उपसमूह ८६ अंकले घटेको छ । त्यस्तै, बैंकिङ ०.१५, विकास बैंक ४.१९, उत्पादन ६३ र व्यापार उपसमूह १३ अंकले बढेको छ ।
आज मोलुङ हाइड्रोपावर कम्पनीको सेयर सबैभन्दा धेरै ८ प्रतिशतले घटेको छ । समग्रमा बजार घटे पनि आज सीईडीबी हाइड्रो, चिरख्वाखोला हाइड्रोपावर, नेपाल वेयरहाउजीङ कम्पनी र हाथवे इन्भेष्टमेन्ट नेपालको सेयर १० प्रतिशतले बढेको छ ।
यस दिन ३०६ कम्पनीको एक करोड १८ लाख कित्ता सेयर ४ अर्ब ४८ करोड रुपैयाँमा कारोबार भएको छ ।
प्रतिक्रिया