नेपाली बजारमा आज सुनको मूल्यले नयाँ रेकर्ड कायम गरेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १६ सय रुपैयाँले बढेर १ लाख ३१ हजार ६०० रुपैयाँमा कारोबार भइरहेको छ । यो मूल्य हालसम्मकै उच्च हो । त्यस्तै तेजावी सुन मूल्य प्रतितोला १ लाख ३० हजार ९५० सय रुपैयाँ कायम भएको छ ।
महासंघका अनुसार आज चाँदीको मूल्य पनि १० रुपैयाँले बढेर १ हजार ५ सय ३५ रुपैयाँमा किनबेच भइरहेको छ ।
नेपाल सुनचाँदी व्यवसायी महासंघले प्रति १० ग्राम छापावाल सुनको मूल्य १ लाख १२ हजार ८२५ रुपैयाँ, प्रति १० ग्राम तेजावी सुनको मूल्य १ लाख १२ हजार २२६ रुपैयाँ र प्रति १० ग्राम चाँदीको मूल्य १३ सय १६ रुपैयाँ तोकेको छ।
प्रतिक्रिया