काठमाडौं । नेपाल पर्यटन बोर्डले प्रमुख कार्यकारी अधिकृत (सिईओ) पदका लागि आवेदन माग गरेको छ ।
गत माघ दोस्रो साता धनञ्जय रेग्मीको कार्यकाल सकिएपछि रिक्त सिईओ पदका लागि शनिवार सार्वजनिक सूचना प्रकाशन गरिएको हो ।
सिईओका लागि ३५ देखि ६० वर्षभित्रका योग्य नेपाली नागरिकले आवेदन गर्न सक्नेछन् ।
पर्यटन क्षेत्रमा १० वर्षको अनुभव भएको तथा स्नातकोत्तर गरेका आवेदकले ४ वर्षको बिजनेस प्लान पनि पेश गर्नुपर्नेछ ।
बोर्डको ३सदस्यीय छनोट समितिका अनुसार १२ दिनभित्र आवेदन दिइसक्नपर्नेछ ।
आवेदक फौजदारी अभियोग नलागेको र कुनै मुलुकमा बसोवास अनुमति नलिएको हुनुपर्नेछ ।
छनोट समितिले प्रक्रिया पूरा गरी सिफारिस गरेका तीन जनामध्ये एकलाई मन्त्रिपरिषदले नियुक्त गर्नेछ ।
प्रतिक्रिया