काठमाडौं । सरकारले मुलुकमा अघिल्लो वर्ष आयोजना गरेको लगानी सम्मेलन एकै वर्षमा दुईपटक गरेको नीतिगत सुधारका कारण वैदेशिक लगानी प्रतिवद्धता बढेको छ ।
उद्योग विभागका अनुसार गत आर्थिक वर्ष (२०८१/८२)मा कूल ६४ अर्ब ९६ करोड ५१ लाख ४३ हजार ४ सय रुपैयाँ बराबरको वैदेशिक लगानी प्रतिवद्धता प्राप्त भएको छ । यो लगानी आव २०७१/७२ पछिकै सबैभन्दा बढी हो ।
अघिल्लो आवमा ६१ अर्ब ९० करोड ४५ लाख रुपैयाँ बराबर प्रत्यक्ष वैदेशिक लगानी प्रतिवद्धता प्राप्त भएको थियो भने आव २०७९/८० मा प्रत्यक्ष वैदेशिक लगानी प्रतिबद्धता ३८ अर्ब ४० करोड रुपैयाँ थियो ।
वैदेशिक लगानी प्रतिवद्धता अघिल्लो आवको तुलनामा ३ अर्ब ६ करोड रुपैयाँ अर्थात पाँच प्रतिशत बढी हो । यसअघि आव २०७१/७२ मा भने ६७ अर्ब ४५ करोड रुपैयाँ बराबरको वैदेशिक लगानी प्रतिवद्धता प्राप्त भएको छ । जुन हालसम्मकै उच्च हो ।
उद्योग विभागका सूचना अधिकारी पशुपतिबाबु पुरीका अनुसार गत आवमा अटोमेटिक रुटबाट ४ अर्ब ६१ करोड २६ लाख रुपैयाँ बराबरका ४५१ परियोजना स्वीकृत भएका छन् भने अप्रुभल रुटबाट ६० अर्ब ३५ करोड २४ लाख रुपैयाँ बराबरको लगानी स्वीकृत भएका छन् । यस रुटबाट भने जम्मा ३८९ परियोजना मात्र स्वीकृत भएको उनले जानकारी दिए ।
प्रतिक्रिया