काठमाडौं । नेकपा एमालेका वरिष्ठ उपाध्यक्ष ईश्वर पोख्रेलले पार्टी अध्यक्ष तथा पूर्व प्रधानमन्त्री केपी शर्मा ओली गौरीबहादुर कार्की नेतृत्वको छानबीन आयोगमा बयानका लागि जानुपर्ने बताएका छन् ।
एमालेको आसन्न महाधिवेशनमा अध्यक्षका लागि ओलीसँगै प्रतिस्पर्धा गर्ने तयारी गरिरहेका पोख्रेलले वैधानिक सरकारले बनाएको न्यायिक आयोगमा बयान दिन नजाने कुरा जिम्मेवार पार्टीका अध्यक्षले गर्न नहुने बताए ।
बुधबार सञ्चारकर्मीसँगको अन्तरक्रियामा उनले आयोग अध्यक्ष कार्कीले सामाजिक सञ्जालमा लेखेका कुराहरु आपत्तिजनक रहेको र उनले नेतृत्व गरेको आयोगले निष्पक्ष रुपमा काम गर्छ भन्नेमा सन्देह रहे पनि ओलीले बयान दिएर सघाउनुपर्ने धारणा राखे ।
प्रतिक्रिया