३८ अंकले घट्यो नेप्से, कारोबार रकम खुम्चियो

बुधबार सेयर बजार राताम्मे भएको छ । आज नेप्से ३८.३५ अंकले घटेर २ हजार ८९८ विन्दूमा झरेको छ ।

आज बैंकिङ १४, विकास बैंक ६३, फाइनान्स ५२, होटल तथा पर्यटन ७८, जलविद्युत ५९, जीवन बीमा २२५, उत्पादन १०९, लघुवित्त ७६, निर्जीवन बीमा ११७, अन्य ६० र व्यापार उपसमूह ८० अंकले घटेको छ ।

आज सबैभन्दा धेरै बुद्धभूमि हाइड्रोपावर र सामलिङ पावरको मूल्य करिब १० प्रतिशतले बढेको छ । बुद्धभूमिको मूल्य प्रतिकित्ता २८७.८० र सामलिङको ७१४ रुपैयाँ पुगेको छ ।

आज २२८ कम्पनीको एक करोड १८ लाख ३७ हजार २१५ कित्ता सेयर ६ अर्ब २ करोड १३ लाख ११ हजार रुपैयाँमा कारोबार भएको छ ।