ह्वात्तै घट्यो सुनको मूल्य, तोलाको कति ?

आज नेपाली बजारमा सुनको मूल्य घटेको छ ।

सोमबार प्रतितोला १ लाख २ सय रुपैयाँमा कारोबार भएको सुन आज प्रतितोला ९ सय रुपैयाँले घटेसँगै ९९ हजार ३ सय रुपैयाँमा कारोबार भइरहेको छ । नेपाल सुनचाँदी व्यवसायी महासंघका अनुसार आज तेजावी सुनको मूल्य ९८ हजार ८ सय रुपैयाँ कायम गरिएको छ ।

त्यस्तै, आज चाँदीको मुल्य भने स्थिर रहेको छ । महासंघका अनुसार सोमबार प्रतितोला १३ सय ५० रुपैयाँमा कारोबार भइरहेको चाँदी आज पनि सोही मूल्यमा कारोबार भइरहेको छ ।