तेस्रो त्रैमाससम्ममा ७५ प्रतिशतले बढ्यो साहस उर्जाको नाफा

साहस उर्जा लिमिटेडले चालु आर्थिक वर्षको तेस्रो त्रैमासिक वित्तिय विवरण सार्वजनिक गरेको छ ।

विवरण अनुसार कम्पनीले तेस् त्रैमाससम्ममा ५८ करोड १३ लाख नाफा कमाएको छ । गत वर्षको तुलनामा कम्पनीको नाफा ७५ प्रतिशतले वृद्धि भएको हो । गत वर्ष यसै अवधिमा कम्पनीले ३३ करोड १२ लाख नाफा कमाएको थियो । यस्तै, गत आवमा कम्पनीको कुल आम्दानी ३३ करोड ४१ लाख रहेकोमा चालू आवमा बढेर ५८ करोड ३९ लाख पुगेको छ।

चुक्तापूँजी ३ अर्ब ५० करोड रहेको उक्त कम्पनीले भने चालू आवको तेस्रो त्रैमासमा जगेडामा १ अर्ब ९८ करोड सञ्चित गरेको छ । सो अवधिमा कम्पनीको प्रतिशेयर आम्दानी २२.१५ (वार्षिकिकरण०), मूल्य आम्दानी अनुपात २६.७३ गुणा र प्रतिशेयर नेटवर्थ १५६.८४ रहेको छ ।