नेपाल सेनेटरी प्याड उत्पादक संघले सरकारको आयातीत प्याडमा ९० प्रतिशत छुट दिने निर्णयप्रति आपत्ति जनाएको छ । संघले मंगलबार पत्रकार सम्मेलन गदै सरकारको यस्तो निर्णयप्रति आपत्ति जनाएको हो ।
संघका अनुसार सरकारको यस्तो निर्णयले आयातीत प्याड सस्तो पर्न जाने भएकाले नेपालली प्याड उत्पादक उद्योगहरु धरासयी हुने बताएको छ । संघका अनुसार हाल नेपालमा ठूला साना गरी ३५ देखि ४० वटा सेनेटरी प्याडका उद्योगहरु सञ्चालनमा रहेका छन् । जसमा ६ अर्बको लगानीमा ९० करोड थान सेनेटरी प्याड उत्पादन भइरहेको छ । जबकी हाल नेपालमा ३० करोड थान सेनेटरी प्याडको माग रहेको छ । यसमा पनि सरकारले आयातीत सेनेटरी प्याडमा ९० प्रतिशत भन्सार महशुल छुटको घोषणा गरेको छ । हालको १५ प्रतिशत रहेको भन्सार महशुल अब १.५ प्रतिशत मात्र लागु हुनेछ जबकी कच्चा पदार्थमा १ प्रतिशत भन्सार महशुलको घोषणा गरीएको छ तर केही कच्चा पदार्थ तथा प्याकेजिङ मटेरीयलमा लाग्ने ५ प्रतिशत अन्त शुल्क बारे भने कुनै घोषणा गरिएको छैन ।
कच्चा पदार्थ तथा प्याकेजिङ मटेरीयलमा लाग्ने ५ प्रतिशत अन्त शुल्क बारे भने कुनै घोषणा नगरेपछि स्वदेशी सेनेटरी प्याड उत्पादक उद्योगहरुले आपत्ति जनाउँदै तत्काल निर्णय फिर्ता नलिए संघर्षमा जाने चेतावनी समेत दिएका छन् ।
प्रतिक्रिया