काठमाडौं । सरकारले पेट्रोलियम पदार्थको मूल्य घटाएको छ । सरकारले पेट्रोल र डिजेलमा लगाइरहेको कर घटाएर मूल्य समायोजन गरेको हो ।
अब पेट्रोलको मूल्य प्रतिलिटर १७९ रुपैयाँ तथा डिजेलको १६३ रुपैयाँ कायम गरिएको छ । पेट्रोलमा २० रुपैयाँ तथा डिजेलमा २८ रुपैयाँ कर घटाइएको छ ।
शनिबार बिहान बालुवाटारमा बसेको सत्तारुढ गठबन्धनका शीर्ष नेताहरुको बैठकले मूल्य घटाउने निर्णय गरेको थियो ।
उद्योग वाणिज्य तथा आपूर्ति मन्त्री दिलेन्द्रप्रसाद बडुले पत्रकार सम्मेलन गर्दै मूल्य घटाइएको जानकारी दिए ।
मन्त्री बडुले पेट्रोलियम पदार्थको मूल्य बढेका कारण बढेको बजार भाउ पनि घटाउनुपर्ने भन्दै यसका लागि बजार अनुगमन गरिने बताए ।
पेट्रोलियम पदार्थको घटेको मूल्य शनिबार रातिदेखि लागू हुनेछ ।
प्रतिक्रिया