काठमाडौं । गत आर्थिक वर्षमा सरकारले १० खर्ब ६७ अर्ब ९५ करोड ८६ लाख रुपैयाँ राजस्व संकलन गरेको छ ।
सरकारले लक्ष्यभन्दा १ खर्ब १२ अर्ब ६४ करोड कम राजस्व संकलन गरेको हो ।
सरकारले गत आवमा ११ खर्ब ८० अर्ब ६० करोड ४ लाख राजस्व संकलन लक्ष्य राखेको थियो ।
महालेखा नियन्त्रकका अनुसार सरकारले लक्ष्यको तुलनामा ९०.४६ प्रतिशत मात्र राजस्व संकलन गरेको छ ।
जसमध्ये कर राजस्वतर्फ ९२.१५ प्रतिशत र गैरकर राजस्वतर्फ ७४.३९ प्रतिशत मात्र लक्ष्य हासिल भएको छ ।
१० खर्ब ६७ अर्ब ९६ करोड २५ लाख कर राजस्व संकलन गर्ने लक्ष्य राखिएकोमा ९ खर्ब ८४ अर्ब १६ करोड ८२ लाख रुपैयाँ मात्र संकलन भएको छ ।
गैरकरतर्फ १ खर्ब १२ अर्ब ६३ करोड राजस्व संकलन लक्ष्य रहेकोमा ८३ अर्ब ७९ करोड रुपैयाँ मात्र संकलन भएको उल्लेख छ ।
प्रतिक्रिया