मध्यपहाडी लोकमार्गको लागत १७ अर्ब बढ्योः भौतिक प्रगति ५८ प्रतिशतमै सीमित !

काठमाडौं । राष्ट्रिय गौरवको परियोजना मध्यपहाडी लोकमार्गको लागत अस्वाभाविक रुपमा वृद्धि भएको छ भने यसको भौतिक प्रगति पनि दयनीय देखिएको छ ।

पूर्वमा पाँचथरको चियो भन्ज्याङदेखि पश्चिममा बैतडीको झुलाघाटसम्म कुल१ हजार ८७९ किलोमिटर लम्बाइ रहेको मध्यपहाडी लोकमार्ग आर्थिक वर्ष २०७४÷७५ मा सम्पन्न गर्ने लक्ष्य रहे पनि गत आवसम्ममा यसको भौतिक प्रगति भने ५८ प्रतिशतमा सीमित छ ।

महालेखा परीक्षकको ५९ औं वार्षिक प्रतिवेदनअनुसार मध्यपहाडी लोकमार्ग आयोजना ८४ अर्ब ३३ करोडको लागतमा सम्पन्न गर्नेगरी २०६४।६५ देखि शुरु भएको थियो ।

आव २०७४।७५ मा सम्पन्न हुने अनुमान रहेकोमा संशोधित कार्यतालिका अनुसार २०७९।८० सम्म पु¥याइएको छ भने यसको लागत १ खर्ब १ अर्ब ५० करोड पु¥याइएको छ ।

अघिल्लो आवमा १९९ किलोमिटर कालोपत्रे र ७ पुल निर्माणसमेत गरी कूल १ हजार ११३ किलोमिटर सडक कालोपत्रे तथा ९० पुल निर्माणको कार्य सम्पन्न भएको जनाइएको छ ।

आयोजना शुरु भएको १३ वर्षमा भौतिक प्रगति ५८ र वित्तीय प्रगति ६३ प्रतिशतमा सीमित रहेको छ । आयोजनामा हालसम्म ५३ अर्ब ३४ करोड खर्च भएको छ ।

महालेखाले कार्यतालिकाबमोजिम निर्माण कार्य सम्पन्न गर्नुपर्ने जनाएको छ ।