काठमाडौं । प्रधानमन्त्री शेरबहादुर देउवाले माओवादी केन्द्रका सांसद जनार्दन शर्मालाई दोस्रोपटक अर्थमन्त्रीमा नियुक्त गरेका छन् ।
प्रधानमन्त्री देउवाको सिफारिसमा शर्मा अर्थमन्त्रीमा नियुक्त भएको राष्ट्रपति विद्यादेवी भण्डारीको सचिवालयले जनाएको छ ।
बजेट निर्माणमा अनधिकृत व्यक्ति संलग्न गराएको आरोप लागेर संसदीय छानबिन समिति गठन भएपछि तत्कालीन अर्थमन्त्री शर्माले २२ असारमा राजीनामा दिएका थिए ।
संसदीय छानबिन समितिले बहुमतका आधारमा बजेट निर्माणमा अनधिकृत व्यक्ति संलग्न भएको प्रमाण नभेटिएको प्रतिवेदन दिएपछि प्रधानमन्त्री देउवाले उनलाई पुनः अर्थमन्त्रालयको जिम्मेवारी दिएका हुन् ।
राष्ट्रपति भण्डारीका प्रमुख स्वकीय सचिव भेषराज अधिकारीका अनुसार शर्माको शपथ ग्रहण आइतबार नै ५ बजेपछि हुनेछ ।
प्रतिक्रिया