मंसिर ४ गते एकै चरणमा प्रतिनिधिसभा र प्रदेशसभाको निर्वाचन

काठमाडौं । सरकारले आम निर्वाचनको मिति घोषणा गरेको छ । आउँदो मंसिर ४ गते एकै चरणमा प्रतिनिधिसभा र प्रदेशसभाको निर्वाचन गर्ने मन्त्रिपरिषदले बिहीबार निर्णय गरेको हो ।

बिहीबार बसेको मन्त्रिपरिषद् बैठकले यस्तो निर्णय गरे पनि औपचारिक जानकारी भने दिइएको छैन ।

यसअघि बुधबार बसेको सत्ता गठबन्धनका शीर्ष नेताहरूको बैठकले मंसिर ४ गते चुनावको मिति घोषणा गर्न सरकारलाई सुझाव दिएको थियो ।

निर्वाचन आयोगले पनि मंसिर पहिलो साता चुनाव गर्न सकिने सुझाव दिएको थियो ।