चालु आर्थिक वर्षको पहिलो दुई महिनामा आयात र निर्यात दुवै घटेको छ ।
भन्सार विभागले सार्वजनिक गरेको तथ्यांक अनुसार दुई महिनामा दुई खर्ब ४४ अर्ब ९१ करोड रुपैयाँ व्यापार घाटा भएको छ । गत वर्षको यसै अवधिको तुलनामा नेपालको वैदेशीक व्यापार घाटा १५.७० प्रतिशतले घटेको छ । गतवर्ष ३ खर्ब ५८ अर्ब ५५ करोड रुपैयाँको वैदेशिक व्यापार भएकोमा यसवर्ष ३ खर्ब २ अर्ब २८ करोड रुपैयाँको व्यापार भएको छ ।
तथ्याङ्कअनुसार दुई महिनामा नेपालमा २ खर्ब ७३ अर्ब ५९ करोड रुपैयाँको आयात भएको छ । जुन, गत वर्षको तुलनामा १३ प्रतिशतले घटेको हो । गत वर्ष ३ खर्ब १४ अर्ब ५१ करोड रुपैयाँको आयात भएको थियो ।
यसैगरी, चालू वर्षको भदौ महिनामा नेपालबाट २८ अर्ब ६८ करोड रुपैयाँको निर्यात भएको छ । यो गत वर्षको सोही अवधिको तुलनामा ३४.८८ प्रतिशतले घटेको छ । गत वर्षको भदौ महिनासम्ममा ४४ अर्ब ३ करोड रुपैयाँको निर्यात भएको थियो ।
प्रतिक्रिया