नेपाल एयरलाइन्सको अन्तर्राष्ट्रिय उडानको टिकट अनलाइन माध्यमबाटै बुकिङ गर्न मिल्ने भएको छ ।
निगमले आज एक विज्ञप्ति जारी गर्दै अन्तर्राष्ट्रिय उडानको टिकट अनलाइन माध्यमबाटै बुकिङ गर्न सकिने सेवा सुरु भएको जानकारी दिएको हो ।
सोमबारदेखि सबै अन्तर्राष्ट्रिय उडानमा अनलाइन बाटै टिकट बुकिङ सुरु गरेको एयरलाइन्सकी प्रवक्ता अर्चना खड्काले जानकारी दिइन् । सेवा सुरु भएसँगै नेपाल एयरलाइन्सको वेबसाइटबाट विश्वको जुनसुकै कुनाबाट नेपाल एयरलाइन्सको टिकट बुकिङ गर्न सकिने भएको छ ।
निगमले अहिले नयाँ दिल्ली, बैङ्लौर, मुम्बई, दुबई, दोहा, हङकङ, क्वालालाम्पुर, रियाद र नारितामा उडान गरिरहेको छ ।
प्रतिक्रिया