विभिन्न तीन कम्पनीले आईपीओ निष्कासनका लागि नेपाल धितोपत्र बोर्डसँग अनुमति माग गरेका छन् ।
तीन कम्पनीले २ अर्ब १४ करोड ७१ लाख ५६ हजार ८०० रुपैयाँ बराबरको २ करोड १४ लाख ७१ हजार ५६८ कित्ता साधारण सेयर निष्कासनका लागि बोर्डमा आवेदन दिएका हुन् । बोर्डका अनुसार मोदी इनर्जी लिमिटेडले ७२ करोड ५० लाख रुपैयाँ बराबरको ७२ लाख ५० हजार कित्ता साधारण सेयर निष्कासनका लागि ३१ भदौमा अनुमति माग गरेको छ । कम्पनीको धितोपत्र निष्कासन तथा बिक्री प्रबन्धकमा सनराइज क्यापिटल रहेको छ ।
यस्तै सिमेन्ट उद्योग सोनापुर मिनिरल्स एण्ड आयल मिमिटेडले ४ असोजमा १ अर्ब २३ करोड रुपैयाँ बराबरको १ करोड २३ लाख कित्ता साधारण सेयर सार्वजनिक निष्कासनमार्फत बिक्री गर्नको लागि बोर्डमा आवेदन दिएको छ । कम्पनीको धितोपत्र निष्कासन तथा बिक्री प्रबन्धकमा एनआइबीएल एस क्यापीटल लिमिटेड रहेको छ ।
त्यस्तै, माई खोला जलविद्युत कम्पनीले २२ भदौमा १९ करोड २१ लाख ५६ हजार ८०० रुपैयाँ बराबरको १९ लाख २१ हजार ५६८ कित्ता साधारण सेयर निष्कासन गर्ने अनुमति माग गरेको छ । कम्पनीले आईपीओ निष्कासनको लागि धितोपत्र निष्कासन तथा बिक्री प्रबन्धकमा प्रभु क्यापीटल लिमिटेडलाई नियुक्त गरेको छ ।
प्रतिक्रिया