मंगलबार सेयर बजार दोहोरो अंकले बढेको छ । सेयर बजार परिसूचक नेप्से ३२.७२ अंकले बढेर दुई हजार १८२.११ विन्दुमा पुगेको छ ।
आज बैंकिङ बाहेक अन्य सबै उपसमूहमा हरियाली छाएको छ । विकास बैंक १०१, फाइनान्स ६३, होटल तथा पर्यटन १६३, जलविद्युत् १२७, जीवन बीमा १४४, माइक्रोफाइनान्स ५६, निर्जीवन बीमा ११३, अन्य ४४ र व्यापार उपसमूह ५ अंकले बढेको छ । यस्तै, बैंकिङ उपसमूह ४ अंकले घटेको छ ।
आज ग्रीन भेन्चर्स लिमिटेड, पिपुल्स हाइड्रोपावर कम्पनी, बाराही हाइड्रोपावर कम्पनी र आदर्श लघुवित्त कम्पनीको सेयर १० प्रतिशतले बढेको छ । यस्तै, घलेम्दी हाइड्रो, बलेफी हाइड्रो र हिमालयन हाइड्रोपावर कम्पनीको सेयर नौ प्रतिशतभन्दा धेरैले बढेको छ । समग्रमा बजार बढे पनि आज सबैभन्दा धेरै सामुदायिक लघुवित्तको सेयर चार प्रतिशतभन्दा धेरैले घटेको छ ।
यसदिन २५० कम्पनीका एक करोड कित्ता सेयर तीन अर्ब ७२ करोड रुपैयाँमा कारोबार भएको छ । सबैभन्दा धेरै अपी पावर कम्पनीको २३ करोड २५ लाख रुपैयाँको से कारोबार भएको छ ।
प्रतिक्रिया