बुधबार सेयर बजार परिसूचक नेप्से ९.०१ अंकले घटेर दुई हजार १७३.१० विन्दुमा पुगेको छ ।
आज बैंकिङ १०, फाइनान्स १५, होटल तथा पर्यटन २७, जीवन बीमा ११५, उत्पादन ४२, निर्जीवन बीमा ९७, अन्य ३ र ब्यापार उपसमूह १७१ अंकले घटेको छ । यस्तै, जलविद्युत् २२ र विकास बैंक उपसमूह भने १८ अंकले बढेको छ ।
आज साल्ट ट्रेडिङ कर्पोरेशनको सेयर झन्डै आठ प्रतिशतले घटेको छ । समग्रमा बजार घटे पनि पिपुल्स हाइड्रोपावर, बाराही हाइड्रो, ग्रीन भेन्चर्स कम्पनी र हिमालयन उर्जा विकास कम्पनीको सेयर १० प्रतिशतले बढेको छ ।
यस दिन २४८ कम्पनीका एक करोड ३३ लाख कित्ता सेयर चार अर्ब ९२ करोड रुपैयाँमा कारोबार भएको छ । सबैभन्दा धेरै रिडि हाइड्रोको ३५ करोड ७८ लाखको सेयर किनबेच भएको छ ।
प्रतिक्रिया