बुधबार सेयर बजार परिसूचक नेप्से ५.७१ अंकले बढेर दुई हजार १७८.८१ विन्दुमा पुगेको छ ।
आज बैंकिङ ९, जलविद्युत् २७, निर्जीवन बीमा १९ र ब्यापार उपसमूह ६० अंकले बढेको छ । यस्तै, फाइनान्स ८, होटल तथा पर्यटन ३६, जीवन बीमा ३२, उत्पादन २६, अन्य १३ र विकास बैंक उपसमूह भने ५ अंकले घटेको छ ।
आज आदर्श लघुवित्तको सेयर १० प्रतिशतले बढेको छ भने मैलुङ खोला जलविद्युतको सेयर ९.५४ प्रतिशतले बढेको छ । समग्रमा बजार बढे पनि आज कुमारी धनवृद्धि योजनाको सेयर ८.८९ प्रतिशतले घटेको छ ।
यस दिन २४६ कम्पनीका ८२ लाख कित्ता सेयर ३ अर्ब ४ करोड रुपैयाँमा कारोबार भएको छ । सबैभन्दा धेरै एनआइसी एशिया बैंकको १८ करोड ४ लाख रुपैयाँ बराबरको सेयर खरिद–बिक्री भएको छ ।
प्रतिक्रिया