दोहोरो अंकले घटेको सेयर बजारमा ३ अर्बको कारोबार

आइतबार सेयर बजार दोहोरो अंकले घटेको छ । सेयर बजार परिसूचक नेप्से १४.६८ अंकले घटेर दुई हजार १६८.५३ विन्दुमा पुगेको छ ।

आज जलविद्युत् ८, निर्जीवन बीमा ८, ब्यापार उपसमूह २५, फाइनान्स ३७, उत्पादन १३, अन्य २०, विकास बैंक ६१, र बैंकिङ उपसमूह ७ अंकले घटेको छ । यसतै, होटल तथा पर्यटन ६ र जीवन बीमा उपसमूह ३७ अंकले बढेको छ ।

आज समृद्धि फाइनान्स कम्पनी र सिभिल लघुवित्त वित्तिय संस्थाको सेयर ६ प्रतिशतले घटेको छ । समग्रमा बजार घटे पनि आज लुम्बिनी जनरल इन्स्योरेन्स, बाराही हाइड्रोपावर, इस्टर्न हाइड्रोपावर, आदर्श लघुवित्त र सूर्यज्योति लाइफ इन्स्योरेन्सको सेयर १० प्रतिशतले बढेको छ ।

यस दिन २६७ कम्पनीका ८२ लाख कित्ता सेयर ३ अर्ब १ करोड रुपैयाँमा कारोबार भएको छ ।