मंगलबार सेयर बजार राताम्मे भएको छ । सेयर बजार परिसूचक नेप्से १५.७० अंकले घटेर दुई हजार १११.६८ विन्दुमा पुगेको छ ।
आज बैंकिङ ११, विकास बैंक १३, फाइनान्स १३, होटल तथा पर्यटन २२, जीवन बीमा १२८, उत्पादन ४३, माइक्रोफाइनान्स ५४, निर्जीवन बीमा ३२, अन्य ९ र ब्यापार उपसमूह १३ अंकले घटेको छ । त्यस्तै, जलविद्युत् उपसमूह भने ०.६० अंकले बढेको छ ।
आज सबैभन्दा धेरै मनकामना स्मार्ट लघुवित्त र प्राइम लाइफ इन्सुरेन्सको सेयर पाँच प्रतिशतले घटेको छ । समग्रमा बजार घटेपनि आदर्श लघुवित्तको सेयर १० प्रतिशतले बढेको छ ।
यसदिन २५९ कम्पनीका ७५ लाख कित्ता सेयर दुई अर्ब ८२ करोड रुपैयाँमा कारोबार भएको छ । सबैभन्दा धेरै रिडी हाइड्रोको १९ करोड २० लाख रुपैयाँको सेयर किनबेच भएको छ ।
प्रतिक्रिया