२४ अंकले घट्यो सेयर बजार, एक अर्ब १६ करोडको कारोबार

सोमबार सेयर बजार दोहोरो अंकले घटेको छ । सेयर बजार परिसूचक नेप्से २४.६८ अंकले घटेर एक हजार ९५१.२१ विन्दुमा पुगेको छ ।

बैंकिङ २०, विकास बैंक ३९, फाइनान्स १३, होटल तथा पर्यटन २५, जलविद्युत् १६, जीवन बीमा १६५, उत्पादन ५१, माइक्रोफाइनान्स ६०, निर्जीवन बीमा ८२, अन्य १३ र ब्यापार उपसमूह ३० अंकले घटेको छ ।

आज खप्तड लघुवित्त वित्तिय संस्थाको सेयर सबैभन्दा धेरै साढे सात प्रतिशतले घटेको छ । समग्रमा बजार घटे पनि आज सुभम पावर लिमिटेडको सेयर झण्डै १० प्रतिशतले बढेको छ ।

यसदिन २५६ कम्पनीको ३३ लाख ६९ हजार कित्ता सेयर एक अर्ब १६ करोड रुपैयाँमा कारोबार भएको छ ।