माण्डु हाइड्रोपावरको आइपीओ बाँडफाँट

माण्डु हाइड्रोपावरको आइपीओ बाँडफाँट भएको छ । गोलाप्रथामार्फत भएको बाँडफाँटमा १ लाख २० हजार ५३२ जनाले १० कित्ताका दरले सेयर पाएका छन् ।

बिक्री प्रबन्धक प्रभु क्यापिटलका अनुसार आइपीओमा कुल १० लाख १६ हजार ७१४ जनाले आवेदन परेको थियो । जसमा १ लाख ४३ हजार ८७७ जनाको आवेदन रद्द भएको थियो ।

यस कम्पनीले भदौ १० गतेदेखि १३ गतेसम्म सर्वसाधारणका लागि कुल १२ लाख ५ हजार ३२० कित्ता आइपीओ प्रिमियम भाउमा बिक्री गरेको थियो । फेस भ्याल्यू १०० रुपैयाँमा १०६ रुपैयाँ प्रिमियम थप गरी प्रतिकित्ता २०६ रुपैयाँ दरले आइपीओ निष्कासन गरेको हो ।

लगानीकर्ताले बिक्री प्रबन्धक प्रभु क्यापिटलको वेबसाइट, मेरोसेयर एकाउन्ट, माण्डु हाइड्रोपावरको वेबसाइट र सीडीएस एन्ड क्लियरिङले आइपीओ रिजल्ट हेर्न बनाएको वेबसाइट https://iporesult.cdsc.com.np/ बाट नतिजा हेर्न सक्नेछन् ।