तीन महिनामा ३ खर्ब ६६ अर्ब व्यापार घाटा

चालु आर्थिक वर्षको तीन महिनामा ४ खर्ब ७ अर्ब ७५ करोड रुपैयाँको वस्तु आयात भएको छ ।

भन्सार विभागको तथ्यांक अनुसार गत वर्ष सोही अवधिको तुलनामा आयात १.६९ प्रतिशतले बढेको छ । गत वर्ष ४ खर्ब ९९ करोडको वस्तु आयात भएको थियो ।

यस्तै, सोही अवधिमा निर्यात भने २.२६ प्रतिशतले घटेको छ । चालु आर्थिक वर्षको तीन महिनामा ४० अर्ब ८७ करोडको वस्तु निर्यात भएको छ । गत वर्षको साउन, भदौ र असोजमा कुल ४१ अर्ब ८२ करोड रुपैयाँको वस्तु निर्यात भएको थियो ।

सो अवधिमा व्यापार घाटा ३ खर्ब ६६ अर्ब पुगेको छ । जुन गत वर्षको सोही अवधिको तुलनामा २.१५ प्रतिशतले बढी हो । गत आर्थिक वर्षको तीन महिनामा व्यापार घाटा ३ खर्ब ५९ अर्ब १७ करोड रुपैयाँ थियो ।