मन्थली विमानस्थलका प्रमुखसहित दुई पाइलट निलम्बित

नेपाल नागरिक उड्डयन प्राधिकरणले रामेछापस्थित मन्थली विमानस्थलमा कुटाकुट गर्ने दुई पाइलटसहित विमानस्थलका प्रमुखलाई निलम्बित गरेको छ ।

प्राधिकरणले विमानस्थलमा कुटाकुट गर्ने तारा एयरका क्याप्टेन सन्तोष शाह र सञ्जीव श्रेष्ठसहित विमानस्थल प्रमुख अशोक थापालाई निलम्बन गरेका हो । प्राधिकरणका अनुसार निलम्बनमा परेका उनीहरुमाथि थप अनुसन्धान अघि बढेको छ ।

शुक्रबार बिहान लुक्लाबाट मन्थली विमानस्थलमा जहाज अवतरण गराएका पाइलटबीच जहाजबाट झरेपछि कुटाकुट भएको थियो ।