सोल्टी होटलले गत वर्षको नाफाबाट लाभांश घोषणा गरेको छ ।
होटलको मंसिर १ गते बसेको सञ्चालक समिति बैठकले सेयरधनीहरुलाई ५ प्रतिशत बोनस सेयर र २६.५७८ प्रतिशत नगद गरी कुल ३१.५७८ प्रतिशत लाभांश वितरण गर्ने घोषणा गरेको हो ।
यस्तै, होटलले लाभांश प्रस्ताव पारित गर्न पुस २६ गते वार्षिक साधारण सभा डाकेको छ । सभा नेपाल प्रज्ञा प्रतिष्ठान कमलादी, काठमाडौंमा बिहान १०.३० बजे सुरु हुनेछ ।
सोल्टीले सभा प्रयोजनाका लागि पुस ५ गते बुक क्लोज गर्ने जानकारी गराएको छ । यसर्थ, पुस ४ गतेसम्म कायम रहने सेयरधनीले मात्र सभामा भाग लिन र लाभांश प्राप्त गर्न सक्नेछन् ।
प्रतिक्रिया